Sunday, December 4, 2022

EJ obiena ginhatagan sang insentibo sang manila city sa iya naangkon nga achievements sa international tournaments

- Advertisement -

ILOILO CITY- Ginalauman nga labi pa nga magatinguha si World number 3 Pole vaulter Ernest John “EJ” Obiena agud magdaug sa pasakupan nga mga international competitions.

Ini matapos makabaton siya sang 300,000 pesos halin kay Manila City Mayor Honey Lacuna-Pangan para sa mga galastuhon niya sa pasakupan nga mga torneo.

Nahibaluan nga natalana nga magabalik si Obiena sa training camp sa Formia, Italy matapos ang tatlo ka semana nga bakasyon sa Pilipinas.

- Advertisement -

Si Obiena ang pinakauna nga Pinoy athlete nga nagdaug sang Medalya sa World Athletics Championships matapos makuha ang bronze medal halin sa bag-o nga Philippine kag Asian record nga 5.94 meters sa Eugene, Oregon sadtong Hulyo.

Magapasakop ang 26-anyos nga Pinoy pole vaulter sa apat ka torneo para sa iya European indoor season sa masunod nga tuig  kag subong man sa 2023 SEA Games sa Cambodia sa Mayo, Asian Championships sa Thailand sa Hulyo, World Outdoor Championships sa Hungary sa Agosto kag sa 19th Asian Games sa Hangzhou, China sa Setyembre.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles