ILOILO CITY- Ginpahayag ni Presidential legal counsel Juan Ponce Enbrile nga iya igaduso ang pag-aresto sa mga imbestigador sang International Criminal Court ukon ICC nga magapadulong sa Pilipinas agud imbestigahan ang war on drugs sang nakaligad nga Duterte Administration kon indi sila magpangayo sang permiso sa gobyerno.
Suno kay Enrile nga indi magpasugot ang Pilipinas nga imbestigahan sang ICC ang bisan sin-o nga opisyal sang pungsod.
Madumduman nga ginpahayag sang ICC sang nakaligad nga semana nga padayunon sini ang imbestigasyon sa ginapahayag extra judicial killings sang panahon ni anay Presidente Rodrigo Duterte angut sa kampanya batuk sa illegal nga druga.
Gindepensahan man ni Enrile ang war on drugs ni Duterte sa pagsiling nga naga-akto ang anay presidente santu sa Konstitusyon sang Pilipinas.
