ILOILO CITY- Ginmultahan sang Energy Regulatory Commission ukon ERC ang National Grid of the Philippines ukon NGCP kag ginpaandaman nga ipa-revoke sa kamara ang ila congressional franchise kon padayon in inga magalapas sa pagsulundan sang Department of Energy natuhoy sa pagbakal sang power reserves.
Ginmanduan sang ERC ang NGCP nga magbayad sang penalty nga P5.1 Million.
Ginpahayag sang ERC nga ginlapas sang NGCP ang Department Circular sang DOE number DC2021-10-0031kon sa diin ginarequire ang NGCP bilang System Operator nga magsumiter sang Terms of Reference ukon TOR para sa approval sang DOE antis ang publication sang ila Invitation to Bid ukon ITB.
Sa ila desisyon nga napetsahan Oktubre 24, ginpahayag sang ERC nga ginakabig nila nga violation ang kapaslawan sang NGCP nga magsumiter sang ila TOR kag ITB sa Energy Department kag isa pa gid ka violation ang kapaslawan sini nga pagpublish sa ila website sang ITB nga wala sang approval sang DOE ang TOR kag ITB.
Bangud sini, ginpaandaman sang ERC ang NGCP nga ang indi sini pagtuman sa mga pagsulundan nga gin-isyu sang mga otoridad ang mahimo magaresulta sa pagkanselar sang ila Certificate of Public Convenience and Necessity kag pag-endorso sang ERC sa kongreso para sa rebokasyon sang ila prangkisa.
