Estados Unidos, maga-invest sang $5 million agud mapasangkad ang vaccination coverage sang Pilipinas

ILOILO CITY- Maga-invest ang Estados Unidos sang $5 million agud mapataas ang vaccination coverage sa pungsod.

Ini ang gin-anunsyo ni US Second Gentleman Douglas Emhoff sa iya paghambal sa Georgia de Jesus Elementary School sa Caloocan City.

Nahibaluan nga kaupod si Emhoff sang iya asawa nga si US Vice-President Kamala Harris na nagbisita sa pungsod.

Ipaagi ang investment sa US agency for International Development kag paga-pondohan pinaagi sa American Rescue plans.

Ginpahayag ni Emhoff nga nagkomiter ang US sang kabug-usan nga $51 million dollars sa pagresponder sang Pilipinas sa COVID-19 humalin sang magsugod ang outbreak sang 2020.