FDA, nag-isyu sang emergency use authorization para sa bivalent vaccines sang moderna kag pfizer

Nag-isyu ang Food and Drug Administration (FDA) sang emergency use authorization (EUA) para sa bivalent vaccines sang Moderna kag Pfizer, suno sa Department of Health (DOH).

Suno kay DOH officer-in-charge Ma. Rosario Vergeire nga gin-release sang tinalikdan nga semana ang EUA. Kag naghatag man sang approval para diri ang Health Technology Assessment Council (HTAC).

Nadumduman sadto nga luyag sang DOH nga mangin available ang bivalent vaccines sa pungsod Pilipinas sa una nga quarter sang tuig 2023.

Sa subong, naga-koordinar na ang DOH sa ila suppliers para sa second-generation COVid-19 vaccines ukon bivalent vaccines, nga makahatag sang dugang nga proteksyon sa mga tawo batok sa Omicron variant.