Monday, December 5, 2022

Food and Drug Administation, nagpaandam batuk sa substandard nga bulong sa ubo sa kabataan nga himu sa India

- Advertisement -

ILOILO CITY- Ginpaandaman sang Food and Drug Administration ukon FDA ang publiko batuk sa paggamit sang apat ka bulong sa ubo sang mga bata nga himu sa India nga nagaunod sang delikado kag makamamatay nga kemikal.

Sa ginpaguwa nga advisory sang FDA, gintumod sini ang mga substandard nga produkto nga amo ang

Promethazine Oral Solution BP, Kofexmalin Baby Cough Syrup, MaKOFF Baby Cough Syrup, kag  MaGrip n Cold Syrup, tanan lunsay ginhimo sang New Delhi-based firm nga Maiden Pharmaceuticals Ltd.

- Advertisement -

Suno sa ahensya nga tanan nga batch sang nasambit nga mga produkto ang ginakabig nga indi safe tubtub mapamatud-an sang regulatory authorities.

Samtang nagpaguwa man sang damlag lang ang World Health Organization sang advisory matapos natumod ang kontaminado nga mga produkto sa African region sang bulan sang Setyembre.

Ginpahayag sang FDA nga ang nasambit nga mga produkto ang may lakot nga diethylene glycol kag ethylene glycol nga makahililo sa tawo.

- Advertisement -

Ini nga kemikals ang makatuga sang palanakit sang tyan, palanuka, paglupot, indi makaihi, sakit sang ulo, makaguba sang panghuna-huna,  kag acute kidney injury nga magaresulta sa kamatayon.

Una nan ga ginsuspender sang Indonesia ang pagbaligya sang tanan nga syrup kasunod sang kamatayon sang kapin 100 ka mga kabataan sa indi mapaathag nga pagtaas sang kaso sang acute kidney injuries.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles