“Forgetting is still not an option” – Ini ang ginpahayag sang National Union of Journalists of the Philippines (NUJP) kasunod sa pagdumdum sang ika-13 ka tuig sang Maguindanao massacre sa diin 58 ka tawo ang napatay kag kadam-an diri ang katapo sang media.
Suno sa statement sang NUJP ang Maguindanao massacre ukon Ampatuan massacre ang ginakabig bilang “deadliest attack on journalists in the world”.
Nahibaluan nga naga-singgitan sa gihapon sang hustisya ang pamilya sang mga biktima sang massacre bangud “partial justice” ukon wala pa nakuha ang husto nga hustisya ang pagpatay sa mga biktima.
Ginpahayag man sang NUJP nga may 83 pa ka akusado sa massacre ang at-large sa gihapon.
Nadumduman nga ang 34 ka katapo sang media ang maga-cover kuntani sa filing sang Certificate of Candidacy ni Esmael Mangudadatu para magbunggo kay Datu Unsay Andal Ampatuan Jr. sa pagka-gobernador. Apang sila ang gin-kidnap kag ginpatay.
Lakip sa mga nagkalamatay amo ang asawa ni Mangudadatu, duha sini ka utod nga babaye, mga journalists, abogado, aides, kag mga motorista nga naka-witness lang ukon nasal-an nga kabahin sang convoy.
