Sunday, August 7, 2022

Former Lamitan Mayor kag duha ka iban pa, patay sa nagluntad nga shooting incident sa Ateneo De Manila University

- Advertisement -

Patay ang tatlo ka persona sa nagluntad nga shooting incident sa sulod sang Ateneo de Manila University Campus subong nga adlaw.

Ginkilala ang mga biktima nga sanday former Mayor Rose Furigay, security guard sang Ateneo campus, kag ang indi pa makilal-an nga lalaki nga posible personal security sang anay alkalde.

Yara naman sa kritikal nga kondisyon ang bata ni Furigay nga magagradwar sa law school.

- Advertisement -

Suno kay Quezon City Police District Director Police Brigadier General Remus Medina, nagluntad ang shooting incident sa atubang sang Areté building. Kag magapatigayon kuntani sang graduation ang law school sa auditorium, apang bangud sa insidente ginkanselar ini.

Samtang, ginpahayag naman ni Supreme Court Spokesperson Atty. Brian Keith Hosaka nga safe si Chief Justice Alexander Gesmundo nga guest speaker kuntani sang Ateneo Law School Graduation ceremony.

Sa subong, padayon pa ang imbestigasyon sang kapulisan kag yara naman sa kustodiya sang QCPD ang suspek.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles