Monday, August 15, 2022

Former Smartmatic Employee, gin ako nga nakabaton siya sang bayad agud i

- Advertisement -

Gin-paathag sang National Bureau of Investigation (NBI) nga nagpahayag ang former Smartmatic employee natuhoy sa gin-alegar nga security breach sa system nga ginpangaku-an siya sang bayad nga kapin P300,000 kabaylo sa pag access sang company laptop nga naga konekta sa mga pasilidad sang nasambit nga kompanya.

Sa ginpatigayun nga Senate Committee on Electoral Reforms hearing, ginpahayag ni NBI Cybercrime Division (CDD) Chief Victor Lorenzo nga gin ako ni Ricardo Argana sang Smartmatic nga gin-share ukon ginpakigbahin niya ang mga credentials sa wala nakilal-an nga third person nga nakilala niya sa messenger kabaylo sang “free lectures.”

Gin-ako man ni Argana nga ginpromisahan siya sang kwarta nga nagabalor sang P50,000 tubtob P300,000.

- Advertisement -

Sa ginpatigayun man nga administrative inquiry nga ginlunsyar sang Smartmatic, gin-ako niya nga ginpromisahan man siya sang training modules kabaylo nga tagaan sila sang access sa laptop nga nagakonekta sa Smartmatic facilities.

Base sa imbestigasyon, gindala ni Argana ang company laptop sang Disyembre 29, 2021 sa ginpatigayun nga completion of tests sa Comelec warehouse kag gibalik ini sang Enero 3, 2022.

Gin-paathag niya nga may natabo nga unusual traffic kag na download man ang mga na log-in nga SMMT Systems na narekord sang Disyembre 28, 2021 tubtob Enero 2, 2022. Ang nasambit nga aktibidad ang na detect sang Enero 9, 2022.

- Advertisement -

Gin-ako man ni Former Comelec commissioner and now Smartmatic legal counsel Christian Robert Lim sa sining “unusual traffic.”

Dugang pa diri ni Lorenzo nga sang Enero 14, ang grupo sang XSOS ang nagpadala sang email sa Smartmatic nga ginaclaim nga may ara sang infiltrated networks kag exfiltrated ang mga inner documentation sa diin ini ang nagahatag dapat sang prevention services sa Smartmatic.

Sang Enero 16, nagpadala liwat ang XSOS sang email nga nagapamahog nga ipang send ang mga files sa gina-alegar nga makuha sang Kongreso kag medya.

- Advertisement -

Ginpa-athag man ni Lorenzo nga ang XSOS ang may 4 ka Facebook groups sang Enero 19, Marso 23, Marso 26 kag Abril 15 kag nag upload man sang mga picture sang files nga nakuha sa system sang Smartmatic.

Tungod sini nagpa-athag man ang Comelec sang Enero 2021 nga nagpasiguro sa publiko nga ang election data para 2022 nga eleksyon ang wla na hack.

Sang tinalikdan nga semana, nahibaluan nga nagpatigayun ang NBI-CDD sang search operation sa panimalay ni Argana sa diin nakit-an ang isa ka smartphone kag pila ka mga SD cards nga natago sa kisame sang iya kwarto.

Gilayon man nga gindismantle sang awtoridad ang Wi-fi router nga ginagamit ni Argana sa pag access sa gadgets sa 5 ka iban nga ginasuspetsahan nga mga IT suspects samtang nabalik naman ang laptop sang Smartmatic apang na encrypted na ini ni Argana rason nga indi na ini mapaidalum sa forensic examination sang NBI.

Santo kay NBI-CCD Chief Victor Lorenzo, yara lamang sa 6 ka bulan ang kontrata ni Argana sa ahensya apang lakip sa iya trabaho ang pagkumpirma sang possible nga glitches sa sistema.

Ginapatihan man sang NBI nag indi lamang si Argana ang may kahimuan sini bangud may ara sang 726 logins nga narekord sa 6 ka adlaw sa system sang Smartmatic.

“We believe that he’s not acting alone because he is not that fluent in English and XSOS communicated with Smartmatic, if you see in the letter, that medyo articulate po sila [they are quite articulate]. Smartmatic was also able to retrieve 726 logins in six days, meaning it will be physically impossible for the former employee to navigate the control of environment for 726 times in a matter of six days,” pahayag ni Lorenzo.

Bangud diri, nangin maid-id na gid ang kompanya sa pagkilala ukon screen sang ila empleyado kag iga-require man nga ibilin ang ila laptops sa opisina.

May kabug-usan nga 720 counts of unlawful access ang na file batok kay Argana nga sa karun at large sa gihapon.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles