ILOILO CITY- Dapat siguruhon nga may full transparency kag checks and balances kon iduso sang gobyerno sang Pilipinas ang pagdihon sang Sovereign wealth Fund suno kay Senador Win Gatchalian.
Ginpahayag ni Gatchalian nga handa naman ang Pilipinas sa pagdihon sang Sovereign Fund kag may mga tikang man nga ilakip sa kasuguan agud mapunggan ang posible korapsyon.
Para kay Gatchalian, importante ang papel sang fund manager agud maproteksyunan ang investments gikan sa corruption.
Suno sa iya nga sa iban nga pungsod, may yara sang professional board kag professional manager nga nagauyat sang investments.
Isa pa ka pamaagi agud masiguro ang full transparency sa pag-uyat sang pondo amo ang periodic reports sa Kongreso.
Nagapati si Gatchalian nga apesar ang pondo nga pagagamiton sa pag-invest indi pareho kadaku kaangay sa iban nga pungsod nga may sovereign wealth funds, may sobra pa man nga pondo nga magamit sang gobyerno para sa investments sini.