Gobyerno, ginapanan-aw ang pag-impose sang travel ban sa Hong Kong

Ginapanan-aw sa karun sang gobyerno ang pag-impose sang travel ban sa Hong Kong bangud sa 5^th wave sang CoVid-19 sa nasambit nga lugar tuga sang transmissible Omicron variant.

Suno kay Department of Health Sec. Francisco Duque, may mga overseas Filipino workers sa Hong Kong ang na infect sang virus ang kadam-an sa ila ang nagahulat sagwa sang ospital agud mabulong.

Mahibaluan nga full capacity ang kadam-an nga mga ospital sa Hong Kong bangud sa pagtimbuok sang kaso sang nasambit nga balatian.

Kun madumduman, nagbukas sang border ang Pilipinas para sa business kag leisure travelers sadtong Pebrero 10 sa diin mga fully vaccinated lang ang pwede makasulod kag dapat mag-presentar sang required documents.