Thursday, December 8, 2022

Gobyerno sang Pilipinas, magagasto sang P206.5 billion para sa ayuda sa 2023 tuga sang nagataas nga inflation

- Advertisement -

ILOILO CITY- Natalana nga magagasto ang gobyerno sang kapin P206.5 billion para sa subsidy kag cash assistance ukon ayuda sa masunod nga tuig bangud sa padayon nga nagataas nga inflation suno sa Malakanyang.

Suno kay Press Secretary officer-in-charge Cheloy Garafil nga ang alokasyon nagasakop sa cash transfers kag iban pa nga subsidy programs sang gobyerno.

Sa nasambit nga kantidad, P165.40 billion ang magakadto sa DSWD para sa social assistance programs; kag P22.39 billion ang magakadto sa DOH para sa Medical assistance sa mga Indigents and Financially Incapacitated Patients,

- Advertisement -

Magakuha man sang parte ang Department of Labor nga P14.39 billion para sa ila TUPAD program; kag P2.5 billion para naman sa fuel subsidies sang Department of Transportation.

 Samtang, may alokasyon man nga P1 billion para sa fuel assistance sa mga mangunguma kag mangingisda sa idalum sang Department of Agriculture.

Subongman, ang iban pa nga 2023 budget allocations nagalakip sang P115.6 billion para sa 4 P’s; P253 billion para sa Social pension sang Indigent senior citizens; kag P4.4 billion para sa Sustainable Livelihood Program.

- Advertisement -

Suno kay Garafil nga ang ini nga cash transfers kag iban pa nga subsidy program nagatuyo nga suportahan ang vulnerable sectors sa tunga sang nagataas nga presyo sang nagapanguna nga mga balaklon tuga sang global inflation.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles