Ginpahayag sang Google nga magahatag sila sang extra protection batok sa online threats sa mga organizations kag indibidwal sa subong nga 2022 elections.
Suno sa nasambit nga tech giant, ila gina-imbitar ang Philippine Human Rights, Elections Monitoring, kag media organizations subongman ang mga individual journalists nga mag-apply sa Project Shield.
Mahibaluan nga ang Project Shield ang ginhimo sang Jigsaw kag Google agud mag-provide sang free unlimited protection batok sa DDoS (Distributed Denial of Service) attacks, isa ka sahi sang digital attack nga gina-usar sa censor information.
Samtang, ginpahayag man sang Google nga ang Advanced Protection Program (APP) ang makabulig sa proteksyon sang mga policymakers, candidates, campaign teams, journalists, kag activists batok sa cyberattacks.
