Tuesday, January 31, 2023

Grade 12 student sa General Santos City, isa ka bulan nga na ospital matapos ginhaboyan sang maestra sang scotch tape sa ulo

- Advertisement -

Nag-suprer sang blood clot sa utok ang isa ka grade 12 student matapos ginhaboyan sang scotch tape sang iya maestra kag naigo sa ulo sa General Santos City.

Bangud sini, kinahanglan nga ipa-idalum sa operasyon ang estudyante.

Base sa report, Oktubre 12 sang nagsinabad sa klase ang estudaynte rason nga naakig ang manunudlo nga si Teacher Christina kag iya ginhabot sang nakarolyo nga tape ang bata kag naigo sa ulo.

- Advertisement -

Nagsuka man ang estudyante bangud hinali lang naglingin ang iya ulo bangud sa kabaskog nga paghaboy sang tape kag gindala in isa ospital.

Gin-papuli naman sang mga doktor ang bata bangud yara na ini sa maayo nga kondisyon, apang pag-abot sa ila balay, liwat nga nagsuluka ang estudyante kag naglingin ang iya ulo rason nga ginbalik in isa ospital kag wala na gin-pagwa tubtob nga naglab-ot sa isa ka bulan.

Samtang, natalana naman nga pasakaan sang kaso ang manunudlo kag gina-imbestigahan na sang Department of Education ang natabo nga insidente.

- Advertisement -

Nahibaluan man nga nag-amotay ang mga manunudlo kag estudyante sang North High School sa diin naglab-ot sa ₱20,000 ang nalikop nila para i-donar sa grade 12 student nga yara sa gihapon sa ospital.

Sa karun gina-imbestigaran na sang Department of Education ang insidente.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles