Gun ban sa Metro Manila, gin-patuman na kasunod sa nagahilapit nga inagurasyon ni Bongbong Marcos

Gin-patuman na ang gun ban sa Metro Manila subong nga adlaw Hunyo 27 tubtob sa Hulyo 2.

Ini kasunod sa nagahilapit nga inagurasyon ni President-elect Bongbong Marcos sa National Museum sa Hunyo 30.

Suno kay Manila Police District spokesperson Police Major Philipp Ines, apisar nga wala sang may nabaton nga pamahog ang kapulisan may kaangtanan sa inagurasyon ni Marcos Jr., padayon sa gihapon ang ila pagbantay kag pag-monitor sa sitwasyon.

Kag sa subong, wala pa sang may na isyu nga permit para sa protesta sa Hunyo 30.

Samtang, nag-pahanumduman naman ang natungdan sa mga motorist nga sirado ang pila ka mga dalanon para sa ila security measures.