ILOILO CITY- Ginduso sa senado ang hagna nga magahatag sang benepisyo, subsidies kag kompensasyon sa mga barangay workers nga ginalakipan sang mga volunteer kag health personnel.
Ginproponer ni Senador Raffy Tulfo ang Senate Bill 1696 ukon “Magna Carta for Barangay Officials, personnel and volunteer Workers” kon sa diin katuyuan sini nga magpatuman sang salaray rate sa idalum sang standardized Position Classification and Compensation scheme.
Sa idalum sang hagna, ang mga barangay workers ang makaangkon sang insurance coverage sa Government Service Insurance System ukon GSIS social insurance program, Philhealth insurance Program kag Pag-ibig Fund.
Sa tion mangin kasuguan, ang mga barangay workers ang makabaton man sang hazard allowances kag death and burial benefits.
Suno kay Tulfo nga ang iya hagna ang magatuldok na sa kawad-an sang benepisyo, suweldo kag allowance sa mga barangay personnel nga ginakabig nga “backbone of the nation”.
