Hagna nga nagatuyo hatagan sang 13th month pay ang mga contractual kag job order nga trabahador sa gobyerno, ginduso sa Senado

ILOILO CITY- Ginduso ni Senador Mark Villar ang hagna nga nagatuyo hatagan ang mga contractual nga government employees kag job order personnel sang 13^th month pay nga katumbas sang katunga sang ila bulanan nga suweldo.

Suno kay Villar nga katuyuan sang Senate Bill 1528 nga mahatagan sang financial assistance ang mga trabahador sa tunga sang nagataas nga presyo sang mga balaklon kag mahatagan sila sang well-deserved nga reward sa panahon sang Paskuwa.

Suno kay Villar nga may yara sang 442,000 ka mga contractual government employees as of June 2022 kag kalabanan sa ila naghalin pa sa mga low-income families.