Sunday, December 4, 2022

Halit nga ginbilin sang super typhoon Karding sa agrikultura, nagdangat na sa ₱1.97 billion

- Advertisement -

Nagdangat na sa ₱1.97 billion ang balor sang halit nga ginbilin sang Super Typhoon Karding sa agrikultura, suno sa Department of Agriculture (DA).

Base sa latest nga estimate gikan sa Disaster Risk Reduction and Management Operations Center (DRRM) sang DA, naglab-ot ang production loss sini sa 114,446 metric tons (MT) nga nagabalor sang P1.97 billion sa 148,091 ka ektarya sang pananom sa Cordillera Administrative Region (CAR), Ilocos Region, Cagayan Valley, Central Luzon, Calabarzon kag Bicol Region.

Naapektuhan sang kalamidad ang 88,520 ka mangingisda kag mangunguma.

- Advertisement -

Suno sa Department of Agriculture, ang mga commodities nga naapektohan amo ang humay, mais, high value crops, livestock kag poultry, kag fisheries.

Samtang subject naman sa validation ang balor sini.

Padayon naman nga nagapatigayon ang Regional Field Offices (RFOs) sang DA sang assessments sang damage kag losses sa agri-fisheries sector.

- Advertisement -

Available naman ang masunod nga assistance sa pagpanagtag sa mga naapektuhan nga mangingisda kag mangunguma:

-P170.34 million nga balor sang rice seeds, P23.16 million nga balor sang corn seeds kag P13.55 million nga balor sang assorted vegetable seeds

-P2.45 million nga balor sang animal heads, drugs kag biologics para sa livestock kag poultry

- Advertisement -

-Fingerlings kag fishing paraphernalia sa mga naapektuhan nga mangingisda gikan sa Bureau of Fisheries and Aquatic Resources (BFAR)

-Survival and Recovery (SURE) Loan Program gikan sa Agricultural Credit Policy Council (ACPC) nga loanable amount tubtob sa ₱25,000 nga mahimo bayaran sang tatlo ka tuig kag zero interest

-P500 million nga balor sang Quick Response Fund (QRF) para sa rehabilitasyon sa mga apektado nga lugar

-Mobile KADIWA centers para sa rolling out sa mga lugar nga naapektuhan ni Karding agud ma stabilize ang presyo kag suplay sang agri-fishery commodities

Samtang, nag-alokar naman ang Department of Social Welfare and Development sang P1.1 billion para sa disaster response kag assistance nga ginhalitan sang bagyo.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles