Halit sang Shear Line sa agrikultura, nagdangat sa ₱234.78 million; Halit naman sa imprastraktura, naglab-ot sa ₱1.13 million suno sa NDRRMC

Nagdangat sa ₱234.78 million ang halit nga ginbilin sang Shear Line sa agrikultura kag ₱1.137 million naman sa imprastraktura, suno sa National Disaster Risk Reduction and Management Council (NDRRMC).

Base sa situation report sang ahensya, 9,710.5 ka mangunguma kag mangingisda ang apektado.

Sa nasambit nga numero, 2,518 ang gikan sa Region 5; apat sa Region 8; isa sa Region 9; kag 7,187 sa Region 10.

Samtang, 7,707.959 hectares naman sang crops ang nahalitan.