Heart hemorrhage, nagwa sa resulta sang autopsy sa bangkay sang una nga middleman sa pagpatay kay Percy Lapid suno sa NBI

Nag-suprer sang heart hemorrhage nga nag-resulta sang iya kamatayon ang pinaka-una nga middleman nga si Jun Villamor sa pagpatay sa brodkaster nga si Percy Lapid.

Ini ang base sa resulta sang autopsy, suno sa National Bureau of Investigation (NBI).

Suno naman kay Bureau of Corrections spokesman Gabriel Chaclag nga wala sang may nakita nga sinyales sang external physical injury sa bangkay ni Villamor kag wala man sang foul play, sa diin naga-indikar diri nga natural death ang gintunaan sang kamatayon sini.

Samtang, nag-negatibo naman sa CoVid-19 antigen test kag paraffin test si Villamor.

Nadumduman nga ginkumpirmar ni Department of Justice Secretary Boying Remulla nga ala-1:30 sang hapon sadtong Oktubre 18 sang gindala sa New Bilibid Prison hospital si Villamor matapos nalipong apang las-2:00 sang hapon sang gin-pronounce ini nga wala na sang kabuhi.