HIV treatment hubs ipalapta sang DOH sa nagkalain-lain nga bahin sang pungsod

ILOILO CITY- Plano sang Department of Health nga padamuon pa ang numero sang HIV treatment hubs sa pungsod sa tuyo nga mas mangin accessible ang mga serbisyo suno kay DOH-Prevention and Control Bureau Program Expert Roland Sardan.

Sa karon may yara sagng 184 ka HIV treatment hubs kag primary HIV care facilities sa bug-os nga pungsod.

Magluwas sa serbisyo medical, kabuylog man sang DOH ang pila ka organisasyon agud mahatagan sang proteksyon ang people living with HIV batuk sa diskriminasyon.

Base sa pinakaulihi nga datos sang DOH sang Setyembre, yara sa 1,383 ang kabug-usan nga kumpirmado nga HIV-positive individuals.

Ang Pilipinas nakalista na sang kabug-usan nga 107,177 nga kaso sang HIV humalin sang 1984.