House Committee on Ethics, pagatalakayon sa Marso 20 ang mga  absences ni Congressman Teves

ILOILO CITY- Natalana nga maghiwat sang panibag-o nga hearing ang House Committee on Ethics and Privileges sa Lunes agud talakayon ang kapalaran ni Negros Oriental Congressman Arnolfo  Teves Jr. bilang miyembro sang kamara.

Ginhatagan sang Ethics Committee si Teves sang tubtub sa Lunes, Marso 20 agud magsabat sa ila sulat agud magpaathag sa iya kapaslawan nga magbalik sa Pilipinas matapos nag-expired sang Marso 9 ang iya travel clearance.

Suno sa komitiba nga indi man nila mapilit si Teves nga mag-tambung gid sang personal sa hearing apang ginalauman nila nga ikonsiderar ini sang Kongresista.

Dugang pa nga magapili na sang masunod nga tikang ang komite sa lunes kon indi magsabat si Teves sa sulat ukon indi satisfied ang komite sa iya sabat.