Monday, December 5, 2022

Imbestigasyon sang senado sa sugar importation fiasco, gintapos na ni Zubiri

- Advertisement -

ILOILO CITY-Gintapos na sang Senado ang imbestigasyon sa sugar fiasco matapos nagtambung diri si Executive Secretary Victor Rodriguez sa ikatlo kag katapusan nga hearing kahapon.

Ginsuhestyon ni Senate President Juan Miguel Zubiri nga tapuson na ang imbestigasyon sang Senate Blue Ribbon Committee agud mahatagan sang hustisya ang mga sugar farmers ka mga stake holders sa sugar industry sang pungsod.

Ginpamilit sang Senate president nga dapat resolbahon sang madasig ang isyu sa sugar industry kag maghimo na sang committee report para sa ila imbestigasyon kag dapat man aprobahan sang Senado ang madihon nga report antis ang congressional break.

- Advertisement -

Nagpabor man ang tanan nga katapo sang komite sa suhestyon ni Zubiri.

Nahibaluan nga naglagas kahapon sa hearing si Rodriguez matapos gin-subpoena sang Senado.

Ginpamilit sang Executive secretary nga indi otorisado ang pagpaguwa sang sugar order number 4 sa pag-import sang 300,000 metriko tonelada sang kalamay kag importation plan lamang ang ila ginpangayo kay Agriculture Undersecretary Leocadio Sebastian kag anay SRA Admimistrator Hermenigildo Serafica.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles