Gin-anunsyo sang Department of Agriculture (DA) sa mga licensed importers sang pula kag yellow nga sibuyas may yara sila sang tubtub Enero 27 agud makumpleto ang ila shipments sa pungsod.
Ginpahanugutan sang gobyerno ang pag-import sang 17,100 metric tons (MT) sang pula nga sibuyas kag 3,960 MT sang yellow nga sibuyas kag may kabug-usan nga 21,060 MT.
Ang importation orders ang kasunod sa onion harvest season nga natalana sa Pebrero kag nakapetsa sang Enero 6 ang memo nga para sa importers.
Sa idalum sang “strict monitoring,” makasulod lamang ang shipments paagi sa Port of Manila-South Harbor, Port of Subic, Port of Cebu, Port of Davao kag Port of Cagayan de Oro.
Samtang, ang imported nga sibuyas ang may nagaka-igo nga sanitary kag phytosanitary clearances gikan sa pungsod nga ginhalinan sang shipment.
