Ginpaathag ni Philippine Drug Enforcement Agency (PDEA) Director General Moro Virgilio Lazo nga makakuha ang mga informants sang monetary reward kag indi ang portion sang droga.
Suno kay Lazo, mahimo nga makakuha sang tubtob ₱2 million ang makahatag sang impormasyon agud nga makumpiskar ang mga illegal nga droga kag maaresto ang mga suspetsado.
Base sa layi, ginapahanugutan lamang ang monetary reward.
Ginpahayag ni Lazo nga nakigsapol ini sa duha ka informants sa diin ginbuyagyag sini nga may yara sila sang 30 porsiyento nga bahin sang illegal nga droga bilang reward sa ila paghatag sang impormasyon para sa anti-illegal drug operations.
Dugang pa nga nagapakig-angut siya sa mga indormants agud nga makumbinsi nga ma-identify kun sin-o ang law enforcers nga naghisugot sa nasambit nga scheme.
