Monday, February 6, 2023

IRR sang kasuguan nga nagadumili sa child marriage, pirmado na

- Advertisement -

ILOILO CITY- Opisyal na nga ginpirmahan sang nagkalain-lain nga ahensya sang gobyerno ang Implementing Rules and Regulations ukon IRR para sa kasuguan nga nagadumili kag naga-criminalize sang Child Marriage.

Madumduman nga sang Disyembre 2021, ginpirmahan ni anay Presidente Rodrigo Duterte ang RA 11596 ukon “Act Prohibiting the Practice of Child Marriage and Imposing Penalties for Violations Thereof” nga nagatuyo nga proteksyunan ang mga kabataan gikan sa abusado nga pangginawi kag wala ginahandum nga responsibilidad.

Ginpangunahan sang Department of Social Welfare and Development ukon DSWD ang pagdihon sanag IRR kaupod sa iban nga ahensya kag advocates nga ginalakipan sang Commission on Human Rights, Department of Justice, United Nations Population Fund, kag Oxfam Philippines.

- Advertisement -

Sa idalum sang kasuguan, ang sin-o man nga tawo nga nagahikutar sang kasal sang isa ka menor de edad ang mahimo mapriso sang tubtub 10 ka tuig kag magbayad sang penalidad nga indi magnubo sa 40,000 pesos.

Nagataas ang penalidad sang tubtub 12 ka tuig nga pagkapriso kag indi magnubo sa 50,000 pesos kon mahibaluan nga ang violator amo mismo ang ginikanan ukon guardian sang bata kag kasubong man nga penalidad para sa nagpatigayon ukon nag-officiate sang child marriage.

Base sa 2020 report sang UNICEF, 12 million ka mga dalagita ang ginakasal tagsa ka tuig.

- Advertisement -

Diri sa Pilpinas, kalabanan makit-an ang child marriage sa Bangsamoro Autonomus Region in Muslim Mindanao.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles