Monday, December 5, 2022

Isa ka bus ginpalukpan sang bomba sa Tacurong City, isa ang patay kag kapin 10 ang napilasan

- Advertisement -

ILOILO CITY-Isa ka tawo ang patay kag 10 ka iban pa ang ginreport nga napilasan matapos isa ka suspected improvised explosive device ukon IED ang naglupok sa sulod sang bus sa Tacurong City, Sultan Kudarat sini nga Domingo sang aga.

Suno sa report gikan sa Philippine National Police, halin sa Kidapawan City ang Yellow Bus Line ukon YBL kag padulong sa Tacurong sang maglupok ang IED mga alas 11:30 sang aga sa barangay New Isabela.

 Gilayon naman nga gindala sa St. Louis Hospital ang mga napilasan nga mga pasahero.

- Advertisement -

Ginpahayag ni Major General Roy Galido, commander sang Philippine Army 6th Infantry Division nga antis matabu ang insidente, nakabaton na sang mga pamahog ang YBL.

Iya pa gindugang nga ginahibalo pa sang mga otoridad kon ano nga grupo ang yara sa likod sang pagpangbomba.

Suno pa kay Galido nga ila naman ginhambalan ang YBL nga hugtan ang security measures agud indi na masulit ang kasubong nga insidente.

- Advertisement -

Ini na ang ikatlo nga bus bombing incident sa Mindanao subong nga tuig kon sa diin ang una nga duha ka insidente nagluntad sa Maguindanao kag Koronadal City sa South Cotabato.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles