Ginkumpirmar ni Lieutenant Junior Grade (LTJG) Krysta Bergantin, Philippine Coast Guard in Central Visayas (PCG-7) spokesperson nga may isa ka pasahero ang napatay kag isa naman ang missing matapos nasunog ang sang M/V Mama Mary-Cloe sa baybayon sang Bohol kag padulong kuntani sa Leyte kaina sang hapon.
Ginkilala ang biktima nga si Adolfo Rañola, 53 anyos kag residente sang Bohol.
Base naman sa imbestigasyon, nagabuga na sang aso ang makina sang barko sang manugdungka pa lang ini sa port sang Ubay apang nagdayon sa gihapon ang pagbiyahe bangud nga ginpatay ang makina rason nga nag-untat ang pagbuga sang aso.
Suno naman sa PCG, na overheat ang makina nga gintunaan sang sunog.
Maswerte naman nga may mga mangingisda sa baybayon kun sa diin nasunog ang barko kag na rescue ang mga pasahero nga naglumpat.
Samtang, padayon naman ang search and rescue operations sang mga otoridad.
