Gin-abi abi sang Armed Forces of the Philippines (AFP) ang pungsod Israel sa padayon nga pagsuporta sa ila modernization program, kasunod sa pagbisita sang opisyal sang Isaraeli military sa pungsod.
Nagbisita si BGen. Efraim Defrin, Head sang Israel Defense Forces’ (IDF) International Cooperation Division sa AFP headquarters sa Camp Aguinaldo, Quezon City.
Sa iya nga pagbisita, nakigsapol si Defrin sa AFP senior officers lakip na sanday Inspector General Lt. Gen. William Gonzales kag Marine BGen. Noel Beleran, DCS for Education, Training and Doctrine, J8.
Nagpasalamat si Gonzales kay Defrin sa pagsuporta sa AFP modernization program.
Samtang, ginapatuman sang AFP ang 20 ka modernization projects sa Israel sa diin 14 diri ang kumpleto na nga may ₱19 billion nga pondo.
