Monday, August 8, 2022

Kalabanan sa mga nagapapili sa pagka-bise presidente, nagapati nga indi makaigo ang P200 nga monthly assistance para sa isa ka pamilya

- Advertisement -

ILOILO CITY— Nag-ugyon ang kalabanan sa mga nagapapili sa pagka-bise presidente nga indi makaigo ang P200 nga monthly assistance para sa isa ka pamilya sa tunga sang padayon nga pagtaas sang presyo sang produktong petrolyo.

Bangud diri mas ginaduso nila nga suspendihon ang excise tax sa langis bilang solusyon sa pagsaka sang presyo.

Suno kay Senator Francis “Kiko” Pangilinan, mabuhinan sang P10, P6 kag P5 ang presyo sang langis kada litro kun mapatuman ang pagsuspendi sang excise tax.

- Advertisement -

Paghatag sang energy relief naman ang nakit-an nga solusyon ni vice presidential aspirant Carlos Serapio para mahagan-hagan ang kabudlay nga na-eksperyensyahan sang mga Pilipino.

Ginpaboran ini ni Dr. Willy Ong kag suno sa iya dapat suportahan ang agrikultura, food security kag renewable energy sang pungsod.

Magluwas sa pagsuspendi sang excise tax, isa man sa ginaduso ni Senate President Vicente Sotto III nga himuon nga P1,000 ang minimum wage sang mga maumugon sa NCR humalin sa P600 tubtob P800.

- Advertisement -

Ginpaboran man ini ni lawyer Walden Bello bangud isa lang ka adlaw ang P200 sa kada pamilya.

Samtang suno kay Rizalito David, isa sa mga nakita niya nga solusyon amo ang paghatag sang pondo para sa mga magagmay nga negosyo.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles