ILOILO CITY- Tion na agud mangin kasuguan ang pagtukod sang permanente nga mga Kadiwa stores sa pungsod nga magasabat sa krisis sa pagkaon bangud alagyan ini agud mangin estable ka barato ang presyo sang pagkaon.
Ini ang pahayag ni AGRI Party-list representative Wilbert Lee bilang suporta sa pahayag ni Presidente Ferdinand “Bongbong” Marcos Jr. nga plano sang gobyerno nga magtukod sang permanente nga Kadiwa stores sa nagkalain-lain nga bahin sang pungsod.
Bangud sini, gin-file ni Lee ang House Bill 3957 ukon Kadiwa Agri Food Terminal kon sa diin nasaad ang pagpain sang inisyal nga P25 billion gikan sa pondo sang Department of Agriculture.
Para in isa pagdumala sang Kadiwa Agri-Food Terminals sa tagsa ka Local Government Units (LGU).
Nagapati si Lee nga maangkon sang pungsod ang food security kon ma-institutionalized ang progama bangud makaangkon sang direkta nga access sa tunga sang mga producer ukon mangunguma kag mga bumalakal kabangdanan indi kinahanglan ang middleman nga amo ang magapatong sang mataas nga presyo.
