₱1.088 billion nga balor sang Methamphetamine Hydrochloride ukon Shabu nga may kabug-aton nga 160 kilograms ang nakumpiskar sa gin-patigayon nga buy-bust operation sang PDEA Intelligence Service (PDEA-IS), PDEA Regional Office – National Capital Region (PDEA RO-NCR), PDEA Regional Office -3 (PDEA RO-3) PDEA Special Enforcement (SES), Armed Forces of the Philippines, National Intelligence Coordinating Agency (NICA), Bureau of Customs (BOC), PNP PDEG IFLD, PNP RO3, PNP Valenzuela PS, kag Valenzuela ALERT Center sa Barangay Karuhatan, Valenzuela City.
Suno kay PDEA Director General Wilkins Villanueva, nakumpiskar ang shabu sanday TIANZHU LYU, taga-Fujian, China kag sa cohort sini nga si MELIZA VILLANUEVA nga residente naman sang Concepcion, Tarlac.
Nakuha man sa ila paghinakop ang (3) mobile phones kag identification card.
Mahibaluan nga ang madinalag-on nga operasyon sang mga otoridad ang resulta sa mga previous operation man nila sa Cavite sadtong Marso 1 sa diin ₱13.6 million nga shabu ang ila nakuha; Marso 2 sa nasambit nga lugar sa gihapon sa diin ₱27.2 Million naman ang nakuha; Marso 2 sa Bulacan sa diin ₱408 Million man ang nakuha; Marso 3 sa Cebu sa diin ₱1.36 Million nga shabu ang nakuha kag sa Escalante City sa Negros Occidental nga ₱34 million naman ang nakuha.
Kaso naman nga paglapas sa Sec. 5 &11 of Art. II of RA 9165 ukonComprehensive Dangerous Drugs Act ang igapasaka sa mga suspek.
