ILOILO CITY- Kapin sa 50 ka mga ginasuspetsahan katapi sang lokal nga terorista nga grupo ang natigayon na ma-neutralize sa una nga tatlo ka bulan sang Marcos Administration.
Ini ang ginpahayag ni Armed Forces of the Philippines ukon AFP spokesperson Col. Medel Aguilar.
Suno kay Aguilar ng ana-recover man ang mga armas gikan s ana-neutralized nga mga rebelde.
Magluwas sa pagsolbar sa kalakasan, ginpahayag ni Aguilar nga nagatinguha man ang AFP nga mapunggan ang nasambit nga mga grupo nga makapanghaylo sang dugang nga mga tawo bilang mga hangaway.
Sang nakaligad nga bulan, ginpahayag ni AFP Chief Lt. General Bartolome Bacarro nga ang CPP-NPA ang may yara na lamang sang 2,112 ka mga miyembro samtang ang ila mga armas yara na lamang sa kapin 1,800.
Halin sa kabug-usan nga 89 ka guerilla fronts sang 2018, ginpahayag ni Bacarro nga yar ana lamang sa 24 ka nabilin nga grupo ang ginalagas karon sang AFP kon sa diin 19 na sa mga ini ang mahuyang na kag madali na lamang nga mabungkag.
