Kapulisan, mas ginpahugot ang manhunt operation batok sa mga suspek sa pagpatay kay Degamo

Padayon ang mga awtoridad sa pagpatigayon sang manhunt operations sa nabilin pa nga mga suspetsado sa pagpatay kay Negros Oriental Governor Roel Degamo.

Ginpahayag sang Philippine Army’s 11th Infantry Battalion nga mas ginpahugot pa ang ila pwersa agud nga makit-an ang kapin lima ka ginapatihan suspek sa pagpatay sa Gobernador.

Suno kay Second Lieutenant Jayr Labasan, doble ang paghalong kag mas gipadamo pa nga pwersa bangud sa mga nakita nga mga armas, mas madamo man nila nga pwersa kag mga well-trained pa.

Nagapatigayon na sa karon ang kapulisan sang checkpoints sa banwa sang Bayawan, Sta. Catalina, Dauin, Basay kag Pamplona sa diin ini ang mga lugar nga mahimo exit points sang mga suspek.