Ginbasura sang korte sa Pangasinan ang kaso nga ginfile batok kay Nardo Flores, 83 anyos nga gin-aresto sadto bangud sa ginapahayag pagkawat sini sang paho sa ila lugar.
“Dismissed na po yung kaso ni lolo,” suno sa abogado ni Flores nga si Atty. James Fernandez.
Suno kay Fernandez, nag-pangayo sang pasaylo si Lolo Nardo sa nagfile sang kaso kag ginbaton naman sang complainant ang sorry sang natungdan.
Samtang, wala naman naghatag sang pahayag si Atty. Deo Navarro, abogado sang tagreklamo nga si Robert Hong.
Madumduman sadtong Abril 25 tuig 2021 sang ginpuksi ni Flores ang paho.
Base naman sa rekord sang pulis sa kaso, 100 kilos sang paho ang ginpukis ni Lolo Nardo sa puno nga ginapanag-iyahan sang iya tupad balay, apang suno kay Flores nga sya ang nagtanum sang puno apang ginkudalan lang sang tagreklamo.
Suno sa pulis, wala nag-areglohanay ang Lolo kag ang kaingod sini sa barangay, rason nga nagdangat sa kasohay ang reklamo.
