ILOILO CITY- Ginkumpirmar sang Department of Justice (DOJ) nga ginpasaka na ang kaso nga murder batuk kanday suspended Bureau of Corrections chief Gerald Bantag kag anay deputy security officer Ricardo Zulueta angut sa pagpatay sa broadcaster nga si Percy Lapid kag sa gina-alegar middleman nga si Jun Villamor.
Ginpahayag ni DOJ Spokesperson Mico Clavano nga ang kaso sa pagpatay kay Lapid ang ginpasaka sa Las Piñas Regional Trial Court sang Marso 14, samtang ang kaso sa pagpatay kay Villamor ang ginpasaka sang Marso 13 sa Muntinlupa Regional Trial Court.
Gin-indict sang DOJ si Bantag, Zulueta kag iban pa sa pagpatay kay Lapid kag Villamor.
Suno sa DOJ nga may nagakaigo nga ebedensya nga ginpresentar agud maestablisar nga si Bantag ang mastermind sa pagpatay kay Lapid.
