Nagsaka sa 17 ang kaso sang Omicron sub-variant BQ.1 sa pungsod Pilipinas.
Base sa data sang Department of Health, ang panibag-o nga kaso ang gikan sa Western Visayas.
Wala naman nagpagwa sang dugang nga detalye ang DOH tuhoy sa pasyente kag kun diin ini nga lugar sa rehiyon 6.
Nahibaluan nga ang BQ.1 ang sub-lineage sang BA.5, nga ginakonsiderar bilang variant of interest sang European Center for Disease Control. Kag ginapatihan nga ang BQ.1 ang mas contagious kag immnu-evasive nga una na detect sa Estados Unidos, United Kingdom, kag pila ka bahin sang Europa.
Sa subong, may 115 ka panibag-o nga kaso sang Omicron sub-variants ang Pilipinas, lakip na ang BQ.1.
Sa nasambit nga numero, 64 ang BA.2.3.20; 42 ang XBB; duha ang BA.5; kag anum ang na tagged bilang omicron sub-lineages.
Ang nasambit nga mga resulta ang gikan sa latest sequencing nga gin-patigayon sa University of the Philippines-Philippine Genome Center humalin sang Nobyembre 28 tubtob Disyembre 3.
