ILOILO CITY — Ginbuyagyag ni Kris Aquino nga may yara ini siya sang erosive gastritis kag gastric ulcer samtang nagapasalamat naman ini kay Angel Locsin nga nangin “stage mother” sa ila ni Josh.
Ginpakita sang aktres ang compilation sang mga litrato kag video sini nga nagakuha sang pila ka mga test sa ospital samtang nagahatag sang account sang findings sa iya kondisyon paagi sa iya nga Instagram page kahapon, Marso 13.
Makita sa mga litrato nga kaupod ni Kris si Angel antes kag matapos magpaidalom sa procedures kaangay sang positron emission tomography (PET) scan, computerized tomography (CT) scan, upper endoscopy, electrocardiogram (ECG) kag 2D echo tests, kag bone marrow aspiration for biopsy.
Gintawag pa ni Kris si Angel nga “stage mother” bangud sa pag-asikaso kag pag-bantay sini sa iya kag sa iya mga bata.
