Ginpahayag ni Department of Health Sec. Francisco Duque III nga nalampuwasan na sang Pilipinas ang crisis stage sa paglapta sang Omicron variant sang CoVid-19.
Suno kay Duque, nagnubo ang numero sa two-week growth rate, average daily attack rate (ADAR) kag healthcare utilization ini bangud yara na sa low risk sang CoVid-19 ang pungsod Pilipinas.
Suno kay Duque, ang two-week growth rate sang pungsod ang kapin 81%%, samtang ang ADAR ang kapin 7 cases lang kada 100,000 population sa diin makonsiderar ini bilang “low-risk”.
Apang ginpahayag man sang tiglikom nga indi pa mahibaluan kun may panibag-o naman nga mga variant ang magatuhaw nga amo naman ang dapat kabalak-an sang tanan.
Dugang man sini nga apisar nalampuwasan na ang Omicron variant, yara sa gihapon ang CoVid-19 pandemic rason nga dapat sa gihapon sundon sang publiko ang minimum public health standards.
Samtang, gin-ako man ni Duque nga indi sya pabor nga dulaon ang polisiya sa pagsoksok sang face mask.
Suno sa iya, indi pa ini ang tion para dulaon ang pinaka-importante nga protocols batok sa CoVid-19.
