ILOILO CITY— Matapos magpatuman sang big time rollback sang tinalikdan nga semana, nag-anunsyo ang mga kompaniya sang gatong nga liwat sila magapasaka sang presyo sang produktong petrolyo subong nga adlaw.
Sa advisories sang Cleanfuel, Petro Gazz, kag Seaoil magataas ang presyo sang gasolina sang P3.40 kada litro kag diesel nga P8.65 umpisa alas 6:00 subong nga adlaw.
Nag-anunsyo man ang Seaoil sang pagsaka sa presyo sang Kerosene sa P9.40 kada litro.
Samtang ang Jetti naman ang magataas sang presyo sang diesel sa P8.45 kada litro, P3.20 ang presyo sang accelerate kag oil price hike sang premium nga yara sa P3.20/L
Santu sa latest oil monitor sang Department of Energy, ini ang nagresulta sa year to date adjustments nga may net increase nga P14.90 kada litro sang gasoline, P19.20/litro para sa diesel kag P16.35/liter para sa Kerosene.
