Parayan Festival, liwat nga ginselebrar sa Northern Samar matapos ang tatlo ka tuig

Liwat nga ginselebrar ang Parayan Festival sa banwa sang San Roque, Northern Samar matapos nga nag-untat ini sang tatlo ka tuig bangud sa COVID-19 pandemic.

Nagpasakop ang 10 ka grupo sa parada, suksok ang madinugaon nga costume kag ritual dance.

Ginparada man ang dalagko nga props nga base sa ginagamit sang mangunguma.

Nagakahulugan nga palay ang tinaga nga Parayan kag ginaselebrar ini bilang pasalamat sa patubas sa palay, nga nagapanguna man nga produkto sang banwa.

Ginselebrar ang pista kasunod sang founding anniversary sang banwa sang San Roque, sa ikatatlo nga semana sang Marso.