Ginpaandaman sang Land Transportation Office ang mga doktor kag medical clinics nga accredited para sa license transactions nga madakpan nga nagabaligya sang medical certificates kag “no-show” nga eksaminasyon ang posible nga masuspendi ukon masirado.
Ini matapos nga mkabaton sang reports nga pila ka mga medical clinics kag doktor ang naga-isyu sang medical certificates sa mga driver’s license applicants nga wala nagapatigayon sang aktwal nga physical examination.
Ginmandu ni LTO Chief Jay Art Tugade nga ang tanan nga mga regional kag district offices sa bilog nga pungsod nga dulaon ang korapsyon indi lamang sa LTO kundi pati man sa accredited partner kaangay sang medical clinics nga ang serbisyo nalakip sa pagproseso sang driver’s license.
Ginpahanumdom sang LTO sa mga motorista nga ang medical certificate ang isa importante nga bahin sang proseso sang aplikasyon sang licensya sa pagdrive agud mahibaluan ang ikaayong lawas sang driver.
