Tuesday, January 31, 2023

Lubos nga pagdumili sa pagbaligya sang firecrackers kag pyrotechnics, ginduso sa kamara

- Advertisement -

ILOILO CITY- Ginduso ni Valenzuela City Representative kag House Committee on Local Government Chairman Rex Gatchalian ang hagna sa Kamara nga lubos na nga dumilian sa pungsod ang pagbaligya, distribusyon kag paggamit sang anuman nga firecrakers kag pyrotechnics devices agud malikawan ang disgrasya ilabi sa pagsaulog sang Paskuwa kag pagsug-alaw sang Bag-ong Tuig.

Nag-file si Gatchalian sang House Bill 5914 ukon ang Firecrackers Prohibition Act agud ipatuman ang “total ban” batuk sa mga palupok agud malikawan ang firecrackers related injuries.

Base sa data sang Department of Health, nangin epektibo ang ila kampanya batuk sa pagpalupok apang nabuhinan lamang ang mga nagakadisgrasya.

- Advertisement -

Gintumod sang mamalidha ang mga bata kag young adults nga naga-edad 11-anyos tubtub 30-anyos ang masami nga nagakabiktima sang mga ginadilian nga mga palupok kasubong sang boga, 5 star, piccolo, super bawang , super lolo kag iban pa.

Gin-athag naman ni Gatchalian nga sa tion nga mangin kasuguan na ang iya hagna, may exemptions sa gihapon ilabi na sa mga okasyon ukon kahigayunan nga kinahanglan sang mga palupok kalakip diri ang mga korporasyon ukon kumpaniya apang dapat makakuha anay sanag special permit gikan sa PNP-Firearms and Explosive Office.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles