ILOILO CITY- Madamo nga negosyante sa Cambodia ang nagpahayag na sang interes nga maga-invest sa Pilipinas suno kay Presidente Ferdinand “Bongbong” Marcos Jr.
Sa video message sang Presidente, ginpahayag sini nga nangin mabinungahon ang iya meeting upod sa mga business leaders sa Phnom Penh kon sa diin nakita nila nga magbuligay kag mag-partner pag-abot sa agriculture.
Gin-engganyo Ni Marcos ang Business leaders sa Cambodia nga mag-invest sa Pilipinas sa pagsiling nga nagakinahanglan ang Pilipinas sang partners gikan sa pribado nga sektor sa pagbatak sang ekonomiya.
Samtang ginhinambit man sang Presidente nga naghiwat sila sang bilateral talk ni Cambodian Prime Minister Hun Sen sa sidelines sang ASEAN Summit kon sa diin naistoryahan nila ang natuhoy sa conflict sa Myanmar.
