ILOILO CITY- Pormal na nga ginpasaka sang Philppine National Police-Criminal Investigation and Detection Group (PNP-CIDG) ang kaso batuk kanday Negros Oriental Congressman Arnolfo “Arnie” Teves Jr. kag sa duha sini ka mga bata.
Suno kay PNP Spokesperson Police Col. Jean Fajardo nga ginpasaka na sa Department of Justice (DOJ) ang kaso batuk sa kongresista subong man sa mga bata sin inga sanday Kurt Matthew kag Axel Teves.
Kalakip sa mga kaso nga ginpasaka sa ila ang paglapas sa Republic Act 10591 ukon ang Comprehensive Firearms and Ammunition Law subong man ang Illegal possession of Explosives matapos ang ginhiwat nga raid sa ila puluy-an sa Bayawan City.
Bangud diri, ginkumpirmar man niu Fajardo nga kanselado na ang License to own and possess firearms ni Kurt Matthew bangud magluwas diri, may isa pa siya ka kaso nga gina-atubang angut sa pagpanakit sini sa isa ka security guard.
