Monday, August 8, 2022

Mag-asawa arestado matapos ginpatay ang ila mismo walo ka tuig nga bata

- Advertisement -

ILOILO CITY—Arestado ang mag-asawa matapos gin-alegar ginhanot asta nga napatay ang walo ka tuig nga bata sa Pasig City.

Ang stepfather sang biktima ang ginkilala kay Germarc Franklin Villadolid, 39-anyos samtang ang iloy naman sini amo si Kimberly 29-anyos.

Sila ang magapangatubang sang kaso nga homicide kag parricide in relation to Republic Act 7610 ukon ang Special Protection of Children Against Abuse, Exploitation and Discrimination Act.

- Advertisement -

Ang mga suspetsado ang naga-trabaho bilang isa ka call center agent sa isa ka business process outsourcing company.

Suno kay Pasig police Chief Col. Roman Arugay, makapila ka beses nga ginhanot sang mag-asawa ang walo ka tuig nga bata sa Urban Deca Homes sa Barangay Rosario pasado alas 2:55 kahapon.

Gindala pa nila ini sa ospital apang gindeklarar nga napatay alas 3:51 sang hapon.

- Advertisement -

Suno kay Arugay, ginkustodiya nila gilayon ang mag-asawa matapos nabal-an nga may hematoma sa  tiil kag kamot sang bata.

Gin-ako sang mag-asawa nga ginpa-squat nila ang bata agud nga disiplinahon apang wala sila ginsunod gani ginhanot nila sang tsinelas tubtob na-collapse kag nangin unconscious.

Ginpahayag pa sang mag-asawa nga gina-obra lang nila ini kung nagasinabad ang bata.

- Advertisement -

Magapaidalum pa ang biktima sa autopsy examination agud mabal-an kun ano ang rasun sang iya kamatayon.  

Preso na karun sa Pasig City Police Station ang mag-asawa.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles