Thursday, December 8, 2022

Maguindanao Massacre, gindumdum subong nga adlaw; Mga himata sang mga nabiktima, padayon nga naga-singgitan sang hustisya

- Advertisement -

“Partial justice” ukon wala pa nakuha ang husto nga hustisya sang mga pamilya sang mga biktima sang Maguindanao massacre, 13 na ka tuig ang nakaligad sang natabo ang krimen.

Ini ang liwat nga gin-singgitan sang mga himata sang mga biktima sang sila ang liwat nga nagbisita sa memorial site sa Ampatuan.

Nahibaluan nga duha ka tuig nga wala nakabisitahan sang mga ini ang lugar bangud sa pandemic restrictions, rason nga sa ila liwat nga pagbisita, nakit-an nila nga natabunan na sang hilamon ang mga market sang mga napatay nila nga himata.

- Advertisement -

Nadumduman nga 58 ka persona ang ginpatay sa massacre, sa diin 32 ang mga katapo sang media.

Suno sa National Union of Journalists of the Philippines, may 83 pa ka suspek ang at-large sa gihapon.

Nadumduman nga sadtong tuig 2019 sang gin-pamatbatan nga guilty sa 57 counts of murder ang mag-utod nga Ampatuan nga sanday Datu Andal Jr, Zaldy, kag Anwar Sr. kag iban pa nga katapo sang Ampatuan clan. Samtang na abswelto naman ang ila utod nga si Datu Sajid Islam Ampatuan.

- Advertisement -

Nahibaluan nga nangin kontrobersyal kag madamo ang nabilib kay Quezon City Regional Trial Court (RTC) Branch 221 Judge Jocelyn Solis Reyes bangud sa pagbaton sini kag pag-desisyon nga sentensyahan sang reclusion perpetua ukon masobra sa 40 ka tuig nga pagka-priso ang Ampatuan brothers nga wala sang parole.

Apang sang sini nga tuig 2022, ginpamatbatan sang Sandiganbayan si Datu Sajid Islam Ampatuan nga anay alkalde sang Shariff Saydona Mustapha sang 128 ka tuig nga pagkapriso bangud sa multiple counts sang graft kag malversation.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles