Friday, October 7, 2022

Maguindanao, matunga na sa duha ka probinsya matapos magdaug ang “yes” sa plebesito

- Advertisement -

ILOILO CITY – Dayon na ang pagtunga sa probinsya sang Maguindanao sa duha ka probinsya matapos gindeklarar sang provincial plebiscite board of canvassers sa Maguindanao nga daug ang boto nga “Yes” para tungaon ang probinsya sa Maguindanao del Norte kag Maguindanao del Sur.

Ginakabig nga landslide ang pagkuha sang “Yes” sang 706,558  ka boto ukon 99.27% sang kabilugan nga boto samtang wala pa ang isa ka porsyento ang nagboto sang “No” ukon 5,209 ka boto.

Sa opisyal nga resulta sang Commission on Elections ukon  Comelec, may 8 ka banwa nga nalista nga may zero ukon  wala sang boto para sa “no” kon sa diin kalakip diri ang Ampatuan, Pagagawan, Paglat, Mamasapano, Datu Anggal Midtimbang, Datu Abdullah Sangki, kag Shariff Saydonah Mustapha kag Talayan.

- Advertisement -

Ang mga nasambit  nga lugar ang  mangin kabahin sang Maguindanao del Sur.

Sa Datu Odin Sinsuat naman nga mangin kapitolyo sang Maguindanao Del Norte, may isa  lang ka boto para sa “No.”

Suno sa Comelec, naglab-ot sa 86.93% ang voter turnout sa plebesito ukon 711,767 gikan sa 818,790 ka mga botante.

- Advertisement -

Nagtambung sa proklamasyon sang Comelec sa Buluan sanday Governor Bai Mariam Mangudadatu kag Vice Governor Bai Ainee Sinsuat, nga pareho nga mangin gobernador sang pagatukuron nga mga probinsya.

Suno sa ila,  pagaumpisahan na ang 60-day transition period para sa pagplastar  sang gobyerno kag pondo para sa Maguindanao del Norte at Maguindanao del Sur.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles