ILOILO CITY— Ginpasiguro sang Palasyo nga magahatag sila sang bulig sa empleyado nga napatay sa sulod sang Complex kahapon.
Suno kay Press Secretary Trixie Cruz-Angeles, nagpalab-ot na sila sang pagpakig-unong kag ginahimo man nila ang tanan agud mabuligan ang pamilya ni Mario Castro, nga isa ka empleyado sang Information Communications Technology Office sa idalum sang Deputy Executive Secretary for Finance and Accounting.
Samtang gina-imbestigaran pa sang Manila Police District (MPD) ang pila ka security personnel matapos mahulog sa ika-apat nga panalgan si Castro.
Suno kay Lt. Adonis Aguila, hepe sang MPD-Homicide Section, importante ang pahayag sang mga gwardiya sang Agilex Security Agency bangud nabatian nila ang pagkahulog kag sila ang una nga nakasaksi sa insidente.
Ginahibalo pa kun may yara sang foul play samtang ginpaidalom naman sa autopsy ang bangkay ni Castro.
