Malakanyang, gin-panginwala ang pagdala ni Pres. Marcos Jr. sang dako nga numero sang delegasyon sa 2023 World Economic Forum sa Switzerland

Ginpanginwala sang Malakanyang ang ginapahayag nga pagdala ni President Bongbong Marcos Jr. sang kapin 70 ka delegasyon sang Pilipinas para sa 2023 World Economic Forum sa Davos, Switzerland.

Nahibaluan nga 11 lang ka delegasyon ang dapat dal-on sa kada pungsod.

Suno kay Communications Secretary Cheloy Garafil, may mga report nga 70 ka delegasyon ang gindala ni Marcos nga gikan sa pribado nga sektor kag negosyante kag iban pa nga opisyal sang gobyerno.

Samtang, ginpahayag man sang administrasyon nga ang tanan nga nag-upod kag Marcos bilang kabahin sang delegasyon ang may dako nga responsibilidad sa nasambit nga kahiwatan.